الى امى

 الى امى

رحمة الله عليها

------

وحشنى

حضنك

يا امى

وحشانى

طيبتك

وحنيتك

صورتك

صوتك

و ضحكتك

كنت دايما بتطمنى

عليا كل يوم

عامل ايه

يا ابنى

ازاى صحتك

مبتسالش عليا ليه

يا قليل الاصل

اقول لها

انشغلت عنك يا اما

ترد عليا هى مراتك قستك على امك

الجمعه دى تتغدى عندى

معقولة تنسى حضنى ده انت ياما نمت فى حجرى يا ابن بطنى

وحشتينى يا امى

ان حد يسأل عنى بعدك

اسمع صدى صوتك يقول لى

مفيش حد تانى

يسأل عليك بعدى

ده انت ابنى

انت قلبى

انت طفلى

مهما كبرت

لو كدبت عليا

يوم افهمك

من كلامك

انت ليه مخبى

عنى وشك

كداب فى اصل

وشك اوعى يا ابنى

كتر المال يغشك

حضنى بس هو

اللى يساعك

موش مراتك ولا ولادك

اوعى يا ولد تنسى اصلك ولا فصلك

ده انت يا دوب تقدر تهرب من عنية

وتبص فى الارض

ده انا عجناك وخبزاك ولو نسيت افكرك

يوم ما الدنيا

قسيت عليك

جريت عليا وبوست ايدى قولت اوعى

يا اما تكونى

غضبانة يوم عليا

الاقى ضحكتك فى وشك ودرعاتك لى مفتوحة بتقولى

ادخل يا واد

فى حضنى

ده انا عنك راضية

---------------------

عباس صالح

عرض الرؤى

معدل وصول المنشور: ٢٦

٣محمد عزت، وفهدالصحراء الجرئ وشخص آخر

٨ تعليقات

أعجبني

تعليق

إرسال