تسهر تتألم وتناجي
و اسمع دقات قلبك
بتقول ياحبيبي ليه تنساني
و انا قلبي يحبك
مشغول عني ليه تبكيني
هون على نفسك ياحبيبي
دا انا قلبي ضوئه من ضيك
يا مالك قلبي و وجداني
دا منايا أقابلك و اصارحك
يا أجمل زهرة في بستاني
مشتاق لرحيق عطرك
سامع مناجاتك ياعمري
رغم المسافات بيني و بينك
الغربة سبب حرماني
مش قادر اوصل لحدودك
ياحبيبي قلبك بينادي
راح ألبي نداءك
يا فرحة عمري و سنيني
راح أفرح قلبك
افتح شباكك واستنى
لحظات تلاقيني قدامك
اسمع همساتك بنبضي
ياحبيبي بتمنى وصالك
(((أسامه جديانه)))
ليست هناك تعليقات:
إرسال تعليق