( يعني إيه شاعر ؟ ) :
يعني إيه شاعر ؟
يعني بتهز المشاعر
كل حرف وكل كلمة
تبقى مكتوبة بمشاعر
يعني إيه شاعر ؟
يعني شعرك مش مجرد كلمتين
موزونين متقفيين
من قلب مش حاسس وشاعر
يعني إيه شاعر ؟
يعني بِتصَّحِي الضمايِر
اللي ماتت من سنين
عند ناس كانوا غفلانين
عايشة تتدارى ف ستاير
الشعر كلمة ومسئولية
نصيحة ليك ونصيحة ليَّا
الشعر مش مهنة ووظيفة
الشعر علم وإنسانية
الشعر يخلي الضلمة نُور
مش تفعيلات بس وبحور
الشعر بيقوي الهِمَم
ويحول الغزلان نسور
الشعر بيقوي الهِمَم
ويحول الغزلان نسور
بقلمي الشاعر جمال زكي عينر
أعجبني
تعليق
إرسال
ليست هناك تعليقات:
إرسال تعليق