دى ... مجرد ... تخاريف *******************

 دى ... مجرد ... تخاريف

*******************

دى دنيا والا غابة

معدش للبشر مهابة

والله يا ناس احنا غلابة

غرورنا معيشنا فى كآبة

الخوف عاد بالعين

الطيب بينداس بالرجلين

وانتم على كدا شاهدين

الحق عنه باعدين

عشان كدا بحياتنا تايهين

يارب كلامى يبقا خفيف

الواقع كله مرار ومخيف

الحرامى بعيننا شريف

البشر بيلف فى دوامة

الأنانية له سمة وعلامة

الهم ع الوش وسامة

راحت فين الأبتسامة

فين نخوة الرجالة

معدش للرجولة مكانة

الست ظاهرة وحالة

عشان كدا حالنا ندامة

ناقص تمسك الأمامة

وياما نعيش ياما نشوف

الفجر بقا ع المكشوف

بنلف حواليه وبنطوف

محدش بيعمل معروف

حياتنا ماشية بالمخلوف

الكل ع المال ملهوف

الإيمان م القلب مخطوف

البشر بالدنيا مغشوش

بغرورها والله مهووس

على حق ربنا بيدوس

فاكر أن الدنيا هتدوم

ناسى أن له وقت معلوم

يبقا بالتراب مدفون

موش هينفعه غرور

ولا مال ولا بنون

يبقا من سكان القبور

يا ابن آدم أصحى وفوق

ليه رافع رقبتك لفوق

بغرورك بالنار محروق

أمتى يا أمة الأسلام

نقتدى بالنبى العدنان

يبقا دستورنا القرآن

هزمونا اليهود الكفار

الحرب الصليبية باستمرار

عن طريق غزو الأفكار

فاكرين نفسنا أحرار

وعقولنا باستعمار

ده بس مجرد إنذار

الواقع كله مرار

قولوا أيه زمان

إللى مايشوفش م الغربال

أكيد يبقا عميان

والمسلم ف الفحش غرقان

تابع لليهود والأمريكان

والله مريح الشيطان

مبسوط فيه شمتان

قلب البشر تملى تعيس

لحم الست بقا رخيص

بتاجر بيه عشان تعيش

الواقع كله مرار مخيف

البشر ف النصب حريف

الحق بقا سراب وزيف

دى بس مجرد تخاريف

*****************

بقلم

عادل جاد

٢٢

مشاركة واحدة

أعجبني

تعليق

مشاركة