*** بورتريه ***
للشاعر /صابر الشناوي
عزيزي القارىء مش هحط
صورة تخيل انت المنظر.
وفي إيدها كوباية ليمون
جنب منها شاب قاعد
بيحكو وبلغه العيون
تحس ان اللي بينهم
مش كلام
شيء بيوصف الغرام
بشكل تاني وكل لون
تحس من نظره عيونهم
انهم بيوصلوا لحد السما
ويهادوا بعض بالنجوم
تسمع في لحظه سكاتهم
كل عبارات الغزل
وكل آهات الشجون
ووعود كتيره صادقه بينهم
اللي بينهم شيء تعدي الخيال
وصلوا مرحله الجنون
وبإشاره منها يلا
هو حاضر ٠متر تسمح
الحساب علشان نقوم
بسرعه جالهم شاب
يمكن قد منهم
وفي عيونه بسمه افندم
الحساب طلع فاتوره ادهالهم
حاسبو مشيو وهو
بينظف مكانهم
آدي صوره البورتريه
ليست هناك تعليقات:
إرسال تعليق