( يا ملكاني ) ابو رامى الاسوانى

 ( يا ملكاني )

هلملم خيوط الشمس

واغزلك توب الفرح الوان

تبان الفرحه ف عيونك

تنور ورده ف خدودك

وتضحك لك نجوم الليل

يبان ضحكها ف سنك

ولأنك ساكنه جوايه

بحس بفرحتك فيا

وف حزنك بسهر لياليا

اتاريكي حاضنه فايديا

وبايدي حاضن انا روحك

كتبت الشعر ف عيونك

وروحي في الغرام سارحه

وريحالك

ياهمسه بتعيشني

حلم جميل وقلب يميل

كل ما تيجي في خيالي

بنسي كل هم وويل

يانبض القلب وشجونه

يافرحة عمري وغلاوته

هجمعلك نجوم الليل

واغزلهم كمان قناديل

تنور ليكي ايامك

وأيامي بعيشهالك

وابعتلك همسه بحروفي

واسرح في الكلام وانساه

من كتر مانتي شغلاني

وملياني بلهفة حب

يا مالكه كل وجداني

يا ملكاني

ابو رامى الاسوانى

٢٠٢٢/٨/١٢

عرض الرؤى

معدل وصول المنشور: ٧٤

٣محمد علي فرغلي احمد، وفهدالصحراء الجرئ وشخص آخر

٤ تعليقات

أعجبني

تعليق

إرسال