( إشمت وإفرح ) :

 ( إشمت وإفرح ) :

إشمت وافرح اوي يا غلول

كل ما تشمت عمري يطول

هلفط واتكلم على كيفك

لف الدنيا عرض وطول

دى بحسبة بسيطة يا متخلف

لو رحت انا طب مين هيألف ؟

مين راح يوصف خيبة أملك ؟

شعر وفن كلام متكلف

جي مزأطط أوي فرحان

ومبين غِلَّك شمتان

عِلِّتي شِدَّة مسيرها تزول

مرض العقل مالوهش أوان

دى الأرض اللي بتمشي عليها

بتصرخ لمَّا عليها بتدوس

والدنيا اللي حياتك فيها

من بلاويك تحتار وتلوص

كل الناس منَْك بتئِن

شاكياك للإنس وللجِن

أصل أذاك بيأثَّر فيها

ولا عمرك على حد تحِن

عارف طبعا نفسك عارف

لو حتى هتعمل مش عارف

لو حتى ودانك من طين

أو تعمل نفسك مش شايف

جمال زكي عينر

عرض الرؤى

معدل وصول المنشور: ٥٧

١Esteer Hanna

تعليق واحد

أعجبني

تعليق

إرسال