& حكاااااااااايتي &

 & حكاااااااااايتي &

بقلم /عماااد الأبنودي

•••••••••••••••••••••

يا قاضى الغرام .......!

احكم بيني وبين حبيبي

أنا مش قد الخصام

أصل بعاده بيزيد تعذيبي

و يقلل مابينا الكلام

أمانة عليك خليك عادل

و قول مين فينا الغلطان

و مين جواه دايما شايل

بيستكتر فيا الحنان

حبيته وسهرت لحبه ليالي

و كنت عاشق فهواه ولهان

اكمنه لقلبي تملي غالي

بيخلي حالي دوما حيران

احكم و دون احكامك

و سمعه يااااا قاضي الكلام

قوله بلاش تعصي غرامك

وتختار الهجر ف الأيام

قوله الحب ياما مسامحه

وبين القلوب الود مشوار

انسي أي مواقف جارحه

واحكي عن عشقي اللي صار

ملكني ... و حبه في وريدي

بيجري دوما بالشريان

و لو كان غرامه عيبي

أنا راضي بيه كمان وكمان

قدمت ليك مظلمتي

للي حصل بنا و كان

و هيه دي كل حكايتي

و غرامي اللي بشوقه حيران

بقلم /عماااد الأبنودي

3 , 8 , 2022

عرض الرؤى

معدل وصول المنشور: ٢٢

١١

تعليق واحد

أعجبني

تعليق

إرسال