عمري ما كنت انا عَالمَة

 عمري ما كنت انا عَالمَة

أسد الشعر العربي ( جمال الشرقاوي )

أغنية \ عمري ما كنت انا عَالمَة \

من شعر : شاعر الأغنية العربية \ جمال الشرقاوي \

عمري م كنت انا ( عَالمَة )

و لا برقص فـــ ليل أفراح

و لا واخدة على اللمَّة

و لا أعرف ليالي ملاح

الدنيا رَمتني بالرَّاحة

من يومها م شُوفتش الرَّاحة

بضحك و عيني فيها جراح

عمري م كنت انا ( عَالمَة )

و لا برقص فـــ ليل أفراح

لقيتني وحدي فـــ الدنيا

راح مني الصحاب و الناس

و راح الشمل و اتفرَّق

و عشت فـــ ليل ملوش إحساس

يشكيلي الدمع و اشكيله

ليوم هحتاجه و بشيله

فـــ قلبي دة الغريب سوَّاح

عمري م كنت انا ( عَالمَة )

و لا برقص فـــ ليل أفراح

عايشة لكنِّي مش عايشة

بموت فـــ اليوم كذا مَرَّة

بقاسي الحزن اهِي ماشيَة

و انا عارفة اني مش حُرَّة

دة قدري و من بَدْءْ الزمان

مكتوبلي اسأل عليك يـــ أمان

و اطير و انا مكسورلي جناح

عمري م كنت انا ( عَالمَة )

و لا برقص فـــ ليل أفراح

و لا واخدة على اللمَّة

و لا أعرف ليالي ملاح

الدنيا رَمتني بالرَّاحة

من يومها م شُوفتش الرَّاحة

بضحك و عيني فيها جراح

القاهرة \ أبريل \ الأحد 17 \ 4 \ 2022 م الموافق 16 رمضان

الساعة 30 و 9 صباحاً \ أسد الشعر العربي ( جمال الشرقاوي ) كاتب و شاعر و باحث \

عرض الرؤى

معدل وصول المنشور: ٦٨

٢جمال الشرقاوي ال شرقاوي وشخص آخر

تعليقان

أعجبني

تعليق

إرسال