الأربعاء، 10 أغسطس 2022

...... بقت الفتاوى بالتمن ......

 ...... بقت الفتاوى بالتمن ......

قالوا الإمام قدوه ومثل
طلع الإمام مركب ورق
كل اللى سمعه بالكلام
تاهوا ف الطريق
واللى نجى منهم غرق
كان الإمام أيام زمان
مركب يقوى ضعفنا
آما النهارده بالفتى باع الضمير
لما الوطن تاه واتحرق
بقت الفتاوى بالتمن
للى كدب
ويحللوا للى سرق
كله بيفتى وله تمن
وبيطبعوها ع الورق
واقرأ ياعم وانبسط
دوت كلام اللى خلق
بوس الحريم
وقت الصيام اهو حللوه
شرب السجائر بالصيام
مايفطروه
ارضع زميلتك بالعمل
ومن الحليب أعمل مرق
قص والزق بالفتى
سبحانه ربي اللى رزق
ورزقنا ربي بشيخ عبيط
زى الركوبه بدون غبيط
فضلت تنهق بالطريق
لما النهار هل وشرق
واما تجادله بالدليل
يبقى اللسان ديما سليط
اما الجبين مليان عرق
ضل العباد وبكدبهم
باع الضمير لما اتزنق
اسمع ياعم وانتبه انت الامام
لو يفتى ليك مليون امام
حكم ضميرك وانتبه
كان الرسول بيعلمك
الحكم قبل ماتتخلق
وكان الضمير مسلم اوى
وبدون قلم وبدون ورق
والفتوى علم بيحفظوه
مش كسبره لطبخه مرق
والدين منظم للحياه
للى غرب واللى شرق
اما النهارده للاسف
المركبه بجنب اتخرق
والموجه عاليه بتوصله
ومفيش حمايه م الغرق
آلا ضميرك فا انتبه
هامان فى ماله بيتحرق
بلعن أبوه اللى فتى
وبدون ضمير
عشان ريال عشان دينار
عشان جنيه لحاكم سرق
كانوا زمان بيهربوا من الفتى
أما النهارده للاسف
اللى فتوا حبه شلأ
وقالوا الإمام
......... أحمد عامر ............
ننوه ان ماينشر حق مسجل بالهيئات المنوطه بذلك 5312/2020 س م ب
قد تكون صورة ‏‏شخص واحد‏ و‏تحتوي على النص '‏اما النهارده للأسف کبه المركبه بجنب اتخرق والمو جه عاليه بتوصله ومفيش حمایه م الغرق آلا ضميرك فا انتبه هامان ماله بيتحرق بلعن أبوه اللى فتى وبدون ضمير عشان ريال عشان دينار عشان جنيه لحاكم سرق كانوا زمان يهربوا من الفتى أما لنهارده للاسف اللى فتوا حبة شلأ كلمات Û احمدعامر‏'‏‏
Ahmed Amer و١٠ أشخاص آخرين
٦ تعليقات
٣٦ مشاركة
أعجبني
تعليق
مشاركة
في

ليست هناك تعليقات:

إرسال تعليق

الاشتراك في: تعليقات الرسالة (Atom)

كيف أنّجو من غوصّي فيكِ

  كيف أنّجو من غوصّي فيكِ وصوتكِ يجعلني فيهِ غريق كيف أنقذ نفسي من جحيمكِ وهمسكِ يشعلّ في صدري الحريق كيف أجد السبيل الى خلاصي منكِ وكلما اه...