..... كل مره نقول ياهادى .....

 ..... كل مره نقول ياهادى .....

كل مره نقول ياهادى

اهدى قلبـى المرة ديا

والسنادى

بعد ماأبقى بجد ماشى

القى نفسى وحيد حياتى

والسنين عدت بسرعه

والحبيب بالقسوة يرعى

وارجع ابقى بالطـريق

شئ حيادى

كله فجأه يتوه ويبعد

بس قلبى من تعاسته

أمر عادى

ان كله يقول ويخلف

واللى يكدب واللى يحلف

فجأه عهده يكون سراب

والكلام زى التراب

بتلاقيه بكل وادى

والغريبه

ان ممكن يوم حبيبك

يبقى حبك

بس يصبح م الاعادى

والقلوب زى الورق

شىء بسيط وبيتحرق

واما تصرخ

تلقى حد يقول ويضحك

معلهش النوبادى

اااه يازمن المجروحين

لما حبك يبقى صادق

يهدمه غـدر السنين

واما دمعه تسيل بخدك

واما بيموت الحنين

واما تحبس ضيق بصدرك

أما عرقك ع الجبين

وانت بس تحس وحدك

واما تصرخ م الانين

واما شك فيك حبيبك

وقت تحتاج المعين

كله يصبح شىء وعادى

كله اصبح شىء مهين

وأهـى عدت السنادى

والسنه الجايه ياقلبي

ربى قادر والمعين

كله فجأه يتوه ويبعد

معلهش ياقلبى انسى

النوبادى

وحادى بادى حادى بادى

كل مره نقول ياهادى

.......... احمد عامر ..........

ننوه ان ماينشر حق مسجل بالهيئات المنوطه بذلك 1963/2016 س م ب

١٤Ahmed Amer و١٣ شخصًا آخر

١٤ تعليقًا

٢٠ مشاركة

أعجبني

تعليق

مشاركة