عايز اصيف

 عايز اصيف

بندق دا ابني ونور عيني

شفته مبوز

وسألته مالك ياضنايا

قام رد قال عايز اصيف

في ثانيه شكلي كده اتغير

بوزت انا راخر وياه

وأم العيال جايبلي قهوه

موش في الفنجال

ووشها...... برضه مبوز.

نهارنا شكله ماهوش ابيض

شكله بتنجان.

ونزلت وانا رافع ايدي

بادعو الرحمن

وخدتني رجلي لشط النيل

وسرحت بين مايته وسماه

وسمعت حيا ع الصلاه

جريت واتوضيت

صليت جماعه في بيت الله

ورجعت وانا غاسل همي

فوضت أمري للرحمن.

تليفوني رن وقلت آلو

قالولي مبروك ع التصييف

تم اختيارك لامانتك

مصيف بلاش من غير مصاريف

ده صوت مديري وانا عارفه

دا كان مغرقني كوابيس.

صدقني اوعي تشيل لها هم

هو الكريم ينسي عباده

سبحان الله. سبحان الله

#حسين_متولي

عرض الرؤى

معدل وصول المنشور: ٢٦

٣محمد علي فرغلي احمد وشخصان آخران

٣ تعليقات

أعجبني

تعليق

إرسال