انا اللى الدنيا ظلمتنى
ولالقيتلى فيها صديق
ولو فى يوم ضحكتلى
بتخدعنى وييجى الضيق
واخدت منى ماادتنى
مشيت فيها مادلتنى
ولااخدتنى لأى طريق
ماليش فيكى يادنيا نصيب
وبشمالك بتدينى
ولااخدت منها حبيب
وغير جرحك بيكوينى
ولالقيتلى فيها طبيب
يطيب جرحى ويداوينى
ودايما ظنى بيها يخيب
ودارى الدمع ياعينى
انا اللى الدنيا عصرتنى
رمتنى بعيد فى دوامه
وعل الاحزان ربتنى
وشوفت فيها جراح ياما
لجأتلها مانصفتنى
ولسه رافع الهامه
فى كل مرة تعبتنى
وياما اتمنيت السلامه
يادنيا رافعه ليه الرايه
وفارده عليه ليه قلوعك
انا لاحيلتى ولامعايا
وماشى انا على طوعك
بيعز عليكى انا هنايا
واقف مستنى انا رجوعك
ولاترجعيش تانى معايا
ولانزولك ولاطلوعك
بتاخدى اكتر مابتدى
دايما عصيانى وبخيله
مش فاضل اى شئ عندى
خلاص مابقاش عندى حيله
هى حياتى على قدى
اروح واخدلى تعسيله
وانسى الهموم ولابيدى
عمرك ماكنتى اصيله
راوية حسن
ليست هناك تعليقات:
إرسال تعليق