نفحات سليمان
مرهون علي تكه
قلبي مرهون علي تكه
والتكه فتحت ساكه
والخطوة بدات سالكه
والسالكه ملهاش راجعه
بنوايا فاهمه وداركه
الدنيا بتدي الفاهم
وتداري عيون الواهم
والحظ ماشي علي مهله
لكن في حضوره مباركه
الصبر صحيح بيمرر
وبيحلا للي بيصبر
والصبر في اخره مراسي
ويطيب حالة العكه
في ناس موهومه
بطيشهم
عايشنها ونفشين
ريشهم
والريش لما بيتبحتر
وعيدانه خلاص تتكسر
يرجعوا للحالة الاولي
تلاميذ راسبين سنه
اولي
مين فينا فاهم الفولة
من غير زرزرة ولا عاركة
مبروك يا حبيبي ياغالي
مشاورنا لقاله السكه
وهاتها جمايل ياااااارب
شاعر الحارة المصرية
صلاح سليمان
أعجبني
تعليق
إرسال
ليست هناك تعليقات:
إرسال تعليق