ياتري يابكرة حبقي حي؟
من غيري بيا بكرة جَيْ
أصل موتي مش حيوقف للدنيا سير
أنا شئ يسير
عايش وحموت حتة أسير
أسير الفقر
أسير الغمة
أسير القهر
مهما عشت حياتي شهر
كان نفسي أعيش طول الدهر
مريت ع الدنيا مجرد ريشة ف الهوا
مخلوق وعايش فيها بايش
قلبي انكوي
بسأل نفسي سيبت أثر؟
كإنسان
ياتري خسر ولّا انتصر؟
قالوا اللي خلّف ياناس مامات
أصل الولاد يوم المعاد
ما يملكوش غير كلمات
ملهاش لازمة
فين الأزمة؟
الناس فاكرين الأزمة الموت
لأ دا السكوت
بدون تعبير
مخلوق خطير
هلاك ياناس قبل الرحيل
مشوار طويل
ف الآخرة قبر
وطول الصبر
ياإما خير ياإما ويل
تلف تدور المقدور
جَي جَي
مهما جاني بكرة
حتي لو بقي ذكري
كنت ميت أو كنت حي
هشام سليم
شاعر الحرافيش
أعجبني
تعليق
إرسال
ليست هناك تعليقات:
إرسال تعليق