( أصعب ألم ) بقلم عصام قدري السعدني ....

 ( أصعب ألم )

أصعب ألم..

لما يموت في عنينا حلم بيتحلم ..

لما إبتسامه صافيه فينا تتعدم..

لما السعاده تبقى لينا..

بس منها نتحرم..

وصوت جميل غالي علينا..

لحظة ما ينطق يتكتم..

ودموع بتجلد في الخدود..

الهدمه منها بتتردم..

وآهات بتطلع م القلوب..

شقت صدور كل الأمم..

ونشوف كفوف..

مش عارفه خوف..

وحجاره منها بتترمي..

تلقي بارود..

أزبل يهود..

ويا الحجارة يصتدم...

وضهر م العجز إتنا..

ووسط م الظلم إتقطم ..

وتلاقي ناس شايلة شهيد..

فرحان ووشه بيبتسم..

وفي الشوارع الجثث..

ينداس عليها بالجزم..

ونهار دمار نسيمه نار..

في تنصهر كل الزمم..

وناس تموت تحت البيوت ..

وناس تعيش فوق القمم..

وناس بتصحى كل يوم..

تنعي عدالة بتتظلم..

وقلوب تنادي يا بلادي..

إمتى يقوم فوقك علم.

بقلم

عصام قدري السعدني..

عرض الرؤى

معدل وصول المنشور: ٣٠

أعجبني

تعليق

إرسال