نفحات سليمان
بينا خير
لما تلقي ناس بطيبه
وتبقي في الغربه قريبه
يبقي لسه بينا خير
لما تلقي نفوس تحبك
مهما تتعب ماشية
جانبك
ولا تسعي يوم لقلقك
يبقي لسه بينا خير
لما تلقي ناس بسيطه
مش بزفه ولا ظيطه
تقهر النفس الحويطة
يبقي لسه بينا خير
لما تلقي ضحكة
صافية
وتبقي حالة صدق
دافيه
تطيبك وباالف عافية
يبقي لسه بينا خير
لما تلقي الصحبه
عزوة
مش نوايا سؤ ونزوة
والحياه تحلي وتسوي
يبقي لسه بينا خير
لما تلقي قلوب تشارك
فرحتك وبشوق تبارك
مش باازمات او معارك
يبقي لسه بينا خير
وهاتها جمايل يارب
شاعر الحارة المصرية
صلاح سليمان
أعجبني
تعليق
إرسال
ليست هناك تعليقات:
إرسال تعليق