كراكيب
------------------
بنبيع كراكيب
راديو قديم
كان بيسلينا
بيطوف بينا الدنيا ونسمع منه اخبار الدنيا
منبه صوته مزعج يصحى الميت فى تربته
و علبة موسيقى جواها عريس وعروسةبيرقصوا
وخاتم فالصوا و اسورة وساعة بكاتينا
كانت معلقه
فى جيب افندينا
ونظارة بعين واحدة وطربوش منفوخ
ومنشة ومنفضة وسجادة تركى
صلى عليها افندينا
حاجات كانت فى وقتها لها قيمة
و صندوق الدنيا
خدته من بتاع البويتيكا
حد يشترى منى
بيكا بيكا
-----------------------------
عباس صالح
ليست هناك تعليقات:
إرسال تعليق