حروفي زهقت م الكلام هشام سليم شاعر الحرافيش

 حروفي زهقت م الكلام

واتمردت

مش طايقة بعض وفيه ملام

اتنمردت

رافعة راية العصيان

ماسكة ف إيدها كتير عُصيان

الحرف فيها كان غلبان

ومطاوع

من كتر الألم بقي زهقان

وملاوع

فقد ف نفسه كل الثقة

وشكه علامة متْوَثَّقة

داير يقول

كده علي طول

مليش لازمة

ليه كلماتي تجيب أزمة

محدش بيا ياناس مهتم

قلبي ليه مليان بالهم

اكتب فرح يطلع غم

ياجرحي كفاية بقي واتلم

حلمي أغزل كلام غرام

ضاعت حروفه ياناس حرام

حلمي أكون ياناس أساسي

أشيل المعني ياناس علي راسي

لولا إن لغتي دايمة

لاتمنيت الموت

غريب ف دنيا ياخلق غايمة

مليش تأثير ولا ليا صوت

طهقان زهقان زعلان

حعيش ضعيف

وأموت ف لسانكم وأنا حيران

وقصر الكلام

السلام مني ياناس ختام

هشام سليم

شاعر الحرافيش

عرض الرؤى

معدل وصول المنشور: ١٧

١فهدالصحراء الجرئ

تعليق واحد

أعجبني

تعليق

إرسال