(الله يسامح الأيام)
إفتكرني ياحبيبي وافتكر أيامي
واحكي عني للي ظلمونا وسرقوا أحلامك وأحلامي
واوعي يزيد خصامك ليا وتظلمني وتقسي عليا وتنساني
هتفكرك بيا الليالي
وعلي بعدي عنك بادعي ربي يرحمني ويصبرني
وتفضل ذكرياتنا وخطاوينا في كل مكان بيك تفكرني
يااحلي ذكري محفوره من قبل مااشوفك في خيالي
لاقلبي ولاعقلي راح ينساها مهما طال بيا زماني
حبي ليك ياحبيبي كان حب صافي ومن الغدر خالي
وأحلي أوقاتي هيا اللي عيشتها معاك واحلي حب في حياتي هو حبك
والله يسامح الأيام اللي فرقتنا عن بعضنا غصب عني وعنك
لسه فاكر كل كلمه وكل همسه وكل لمسه كانت بيني وبينك
ولسه فاكر كل حرف من حروف سمعناها سوا في أي غنوه وردتهالك
ولسه محفوره في قلبي كل كلمة حب قولتهالي وقلتهالك
وعمري ماانسي كل لحظة شوق اشتقتهالك
ياحبيبي بعدك عني عذابه نار ويامسهرني الليالي انا من افكاري محتار
وكل ماأفكر في البعد والفراق ومش هشوفك قلبي ينهار
ولو الفراق انكتب علينا مين بعدك ياحبيبي قلبي يختار
وإنتي ياأيام ليه تفرقينا وتحرمينا نعيش عشاق
وليه تخلي الأآه تفضل عايشه في قلوبنا ويعذبنا الفراق
وتفضل الدموع في عنينا مضلمه طريقنا
ونعيش محرومين عمرنا كله من فرحتنا
ياعاشقين قولوا لحبيبي لو فضل هاجرني ومخاصمني هعيش لمين
واعمل إيه أنا وقلبي واروح فين من ذكريات السنين
واعمل إيه في الحلم الجميل اللي حلمنا بيه ولسه ماحققناهوش
عشناه سوا في الخيال واحنا لسه في أول الطريق ما كملناهوش
ليه يادنيا تدوقينا حلاوتك وتسرقيها مننا تاني
وليه تجرحينا ونفضل حاسين من جرحنا ونعاني
وليه تخلي فرحة الشوق والحنين
حزن وألم ودموع وأنين
خواطر (اشرف الدغيدي)
حقوق النشر محفوظة
ليست هناك تعليقات:
إرسال تعليق