(غريزتي)

 (غريزتي)

ليلي اجه وانه انتظر

وانتظر يجمعنا الشمل

وحسرات الاكتم بالصدر

ولافرصه ليه التكتمل

ومرات اذبنها واجر

واتحصر ابليلي اليچل

من البيض تقتل والسمر

ألاجمل واحلا من العسل

كلهن فواكه واختصر

بيهن طعم ماله مثل

لمن تظمها وتنعصر ومنهن حياة التكتمل

وانسانيه تحمل للبشر كل شده من عدهن تحل

بترويض لوحان القدر

وربك جعل الهن سجل

ام تحظنك وزوجة عمر وبنت واخت عندك تجل

وبالكون منهن تنتشر

وشحچلك واضرب مثل

واحة ورد بيهن عطر

وميزان من ربك عدل

أدم اوحوا بكل عصر

غريزه المراءه وللرجل

ولادة حياه بعد العسر

والحب تعايش بالعمل

بعطف وحنان وانحدر

بالشوگ والحب نكتمل

وذاك الخيال المنتثر

هالكون واسعلك يدل

احساس واكتبلك شعر

ومن العقل يكمل يطل

عدنه الغريزه وهالفكر

واثنين ميزان العدل

وليلي اجه وانه انتظر

وانتظر يجمعنا الشمل

شعر عارف شلش

الساعدي

العراق بغداد

١٠الشاعر عارف شلش الساعدي و٩ أشخاص آخرين

٦ تعليقات

٤١ مشاركة

أعجبني

تعليق