(الحسن كله هو حسنك)
الحكاية ياحبيبتي فى كلمتين
عاشق الليل وبحبك يانور العين
احب غيرك او افكر في حد تاني مستحيل
دا انا بيني وبينك الف ليل طويل
وكفايه عليا يانور عينيا المس ايديكي واغرق في بحر عينيكي
وابقي ليل ونهار قدامك وشايفك
واشوف احلي ابتسامه من بين شفايفك
انتي عارفه ياعمري عملتي فيا ايه
عقلي تاه مني وروحي غابت عني
مش عارف ازاي وليه
وكان انشغالي وسهري لليالي ياعمري ليكي اكبر دليل
دا انا كل يوم باستني الليل يجيني
واسهر الليل بطوله علشانك يانور عيني
ابص علي القمر في سماه
اشوفك انتي مكانه وللكون منوراه
بنفس رسمك ونفس حسنك
ونفس صورتك وابتسامتك
وشايف كل النسا نجوم بترقص حواليكي
والاقي روحي وخداني وطايره رايحه ليكي
وهيا فرحانه ياحبيبتي بيكي
وادعي لليل يطول علي قد مايقدر وافضل معاكي
ياحبيبتي الحسن كله هو حسنك
وكل الجمال اتخلق من جمالك
وارجوكي ياعمري ترحميني من دلالك
وخبي عيونك عني دول شغلوني
وخلاص مابقتش قادر اخبي جنوني
حبيتك الحب كله وخايف احبك اكتر اهل الهوي يحسدوكي
رب السما يخليكي ليا ياحبيبتي ويصونك
ولا يحرمني أبداً منك ولا من عيونك
خواطر (اشرف الدغيدي)
حقوق النشر محفوظة
ليست هناك تعليقات:
إرسال تعليق