مجلة نداء الرؤح لفرسان الكلمات

 أنا بقلم أحمد شاهين

أنا خايف من كٌتر التركيز

وانا شايف أى حاجات بتغِيظ

أصرخ بالرغبه المكبوته

تِسجننى حروف الحدوته

وديون محفوظه فى النوته

وقلوب م القسوه يا حفيظ

أنا خايف لا تموت الضحكه

ودموع العين وارثه التِركه

والغٌربه فى بلدك بين ناسك

والموت بيطارد إحساسك

والخنقه بتٌحضن أنفاسك

واليأس فاتح لك مِيت سِكه

أنا خايف من حتى خيالى

ياما نفسى يسيبنى بقى فى حالى

وأعيش فى الواقع بجرايمه

لا فاهمِنى ولا كنت أنا فاهمه

يجرح فى العالم ولا همه

يمكن تتحسن أحوالى

أنا عايش بتنفًِس وبروح

والكل شايفنِى بوضوح

من بره أنا صوره فى برواز

والناس بتشوفنى كإنجاز

من جوه مكسور كإزاز

متفرفت أنا طير مدبوح

أنا دايمأ بضحك على نفسى

وبصبح ع الناس وبمسّى

والناس بتشوفنى بتحِسدنى

دا فى حتى كتير بيقلدنى

دا رضايا هو اللى ساندنى

وبقول بكره تطِلع شمسى

وبقول

بكره

تِطلع

شمسى

كلمات أحمد شاهين

عرض الرؤى

معدل وصول المنشور: ٨٧

٤محمد علي فرغلي احمد، وفهدالصحراء الجرئ وشخصان آخران

٥ تعليقات

أعجبني

تعليق

إرسال