......... وكنت فاكر ..........

 ......... وكنت فاكر ..........

كنت فاكر إن إنته

سندى دايما ف الحياة

كنت فاكر إن دمى

جوه دمك

حب واصل منتهاه

‏

كنت بحلم لما اعجز

تبقى عكاز الحياة

بس إنت طلعت ماكر

قبل عمرى مايخده سنى

جاى بتصرخ أو تهنى

فاكر إنى

هفضل ابكى

أو طريقى منى تاه

وإنك إنت ف عز جاهك

تبقى لى طوق نجاه

وإنى بيك ممكن اعلا

وإن بعدت

هستعد لألف اه

شكلك اهبل مش عارفنى

قبل منك رغم سنك

ممكن انزع روحى منك

حتى ننك

يبقى برضه مش شايفنى

تلقى نفسك جاى بنفسك

جى تبكى لزل نفسك

بالحياه مكسوره نفسك

وتحايلنى

ان قلبي تنول رضاه

بس يكفى ورثت غلطك

كل جيل هيكون بنسلك

نفس غلطك راح هيسلك

دين تدان بالحياه

والزمن هايروح بسرعه

ويجى دورك

تلقى نسلك زى نورج

يطحنك حتى الجباه

روح وارحل

ما انت بالنسبالي راحل

مهما تبكى

الحياه حبة مراحل

حبه تعلا وحبه توطى

ف النهايه كله راحل

م الحياة

وكنت فاكر

......... احمدعامر ...........

ننوه ان ماينشر حق مسجل بالهيئات المنوطه بذلك 2973/2022 س م ب

٧Ahmed Amer و٦ أشخاص آخرين

١٦ تعليقًا

٢٩ مشاركة

أعجبني

تعليق

مشاركة