تمن حبي ليكي اشتياق
يمكن عذاب
واخرته احساس فراق
وانت في مكانك
رافضه زمانك
كارهه اوانك
وتقوليلي ده مجرد عتاب
معقوله احساسي بيكي
لحظة وبس
معقولة محدش فينا حس
ملعون اي احساس
او اي كلام عن الحب
متذوق
ونتشوق
واخرته كلام يترص
معقولة يبقي حب
طب وليه
كل مانيجي نحسه
نحسه ذنب
معقولة حب
اسمه ايه
سهم مسموم
هو كل يوم
لازم يتوجع
لازم يموت
هو السكوت
لما يموت شريان في قلب
معقوله حب
سم ودسوه في العسل
تؤام جميل
ماتوا
لما كل واحد فيهم انفصل
معقولة حب
يترسم لوحة بدمعه
ويقولوا حب
كسرة نفس
مليانه عتمه
حلم باهت بين ضلوعي
تضحك دموعي
يلا ياصاحبي
اعمله اشاعه
اصل حرموه من الرضاعه
محتاج ضروري رسم قلب
احمدعبدالحق
1/8/2022
ليست هناك تعليقات:
إرسال تعليق