/////////+++في عالمك نتسارى+++/////////
في عالمك نتسارى حرفي
من قوافيك ياك نشرب كاسي
ف زمانك نعرف حق ولفي
نهديك مشموم لكل ناسي
منك نعصر مداد دوايتي
وانا للي عارفك ارفيقي
نوصل بك امراية غايتي
ف سطورة لقصيدة نلقاك
وانا عشيقك كيف تنساني
انت الكل وانا للي امعاك
ونسافر ف طريق لمعاني
انت الحاضر في عالم خيالي
وتحلق بيا ف عز لكلام
يالراسخ ف سرار عمق بالي
انت الاغنية و الانغام
بقلم صقر الحروف الزجال المحجوب بوسبولة
ليست هناك تعليقات:
إرسال تعليق