الي روفيده ..

 الي روفيده ..

أيوه ، أنا لا ليا في برشامه

ولا ف بانجو ..

ولا حتى حشيش

ولا ف الحاره فارد صدري

ولا زي ف الدنيا مفيش

ولا في السيما تلاقي صورتي

مرسومه ف الأفيش

أيوه انا فعلاً مش حاجه

ولا قدوه ، فمتأمنيش

دا قلبي

قلب خسايه

ف الحب أخضر منه مفيش

وبعدد شعر راسي أنا حبيت

ونصيحتي متعديش

أهي سلمى أهي ، طلباني

وليلى برضوا ف رساله ..

(

متسيبنيش )

وكمان ساعه مواعد شهد

وزهره لسه فايتها ..

علي الكورنيش

وأماني ، آه منها أماني

لو احكيلك ، لا م احكيش

ونوال في حبي هيمانه ..

تشوفيها كما الدرويش

ف انا روميو عصري وأواني

ف طريقي ، متخطيش

ولو طمعانه ف الشهره

إسمك هينزل ف قصايدي

متزعليش

وممكن تبقى ف العنوان ..

متدريش !

روفيده عشقى وهيامي

روفيده الوطن والجيش

روفيده عصفورة شباكي

روفيده الكاسات والنيش

انوثتك والشياكه فيكي

وبراءة الضحكه ف عينيكي

والعطر الفايح حواليكي

أمروني مخدعكيش

فلو صحيح بتحبيني

خروج م الصف متحاوليش

ف الكشف شوفي رقمك كام

وإن شِأتي .. متنتظريش

عبدالحميد المرسى

عرض الرؤى

معدل وصول المنشور: ١٨

١فهدالصحراء الجرئ

تعليقان

أعجبني

تعليق

إرسال