نعيم الوجع (488) ................

 نعيم الوجع (488)

................

هي الحياة إتغيرت

ولا الوشوش إتقشرت

فضحت ما بينا وصورت

لقطات جروح

له سنين ومخدوع من قلوب ما هو دافنه عجزة والسمع عنده إنتهى يصعب لي وصفه

براويز وشوش فى ضحكها وكلامها غير

والبسمه دي علامه وجع

جواك يا طير

طول عمره عايش بالرضا وفى صبره شاكر

وفى يوم وقرر يشتري

سماعه باكر

ولا حد يعلم فرحته

وكأنه حلم

شاهد ردود لها العجب

والكلمه نار والضحكه فضحت زيف وشوش

براكين دمار ..

يتمنوا موته وتنتهي

ذكراه المرار ..

ويقضي عمرة إن باقي له فى أي دار ..

وتغور معاه لياله الطرش

ما كرهنا عشه ..

سامع ده كله لا نطق

سجناه دموعه ..

وبأيده قرر ينسحب

مسلوب جيوشه

راجع لصمته ووحدته

ونعيم ظروفه ..

حامد وشاكر ربنا

قواه فى خوفه ..

محلى نعيمك يا وجع

والقلب راضي ..

راجع أعيش في دنيتي

وأكتب ميلادي

بقلم .. صبري رسلان

عرض الرؤى

معدل وصول المنشور: ٤٦

٢فهدالصحراء الجرئ وشخص آخر

٤ تعليقات

أعجبني

تعليق

إرسال