أمسيات الحسن. .22/ 8/ 2022
( ضحكة زمان )
. بقلم الشاعر: حسن حلمى
ما تيجي تعزمني على القهوه
ونشرب شاى
ونتحدت
بأحلى كلام
لنحكى لبعض
عن اوجعنا وافرحنا
ما كله أمان
وصدقني
أنا مش ندمان
ما ياما حكينا
ولا حد يوم
سمع بينا
ولما ضحكت
عينينا
استكترت الفرحه
علينا
وبعت ود زمان
وكمان
فرحت فينا الناس
من بعد
ما مات فيك الاحساس
وخسرت
صاحب زمان
وكله بعده هان
حتى نفسك
تايه بنفس المكان
تبص لعيون
الناس
يمكن تلاقى ضحكة
صداها يضوى بالسما
كده زى زمان
وصدقني
أنا مش ندمان
بقلم الشاعر : حسن حلمى
أعجبني
تعليق
إرسال
ليست هناك تعليقات:
إرسال تعليق