الثلاثاء، 26 يوليو 2022

٢٠ حكاية حب ... ------------------- MOHAMED LASHIN

 ٢٠ حكاية حب ...

-------------------
عشرين حكاية حب
ياقلبي عشناها
وحوا لو رحلت
بالتانية ننساها
على كل شكل ولون
حوا عشقناها
كانت فى يوم منهج
وأحنا درسناها
أول حكاية حب
ملعونة ذكراها
بنت الجيران عايشة
وشيطانها مولاها
أول حكاية حب
عمرى ماهنساها
منها أتولد قلمى
وكتبها ومحاها
بداية مكتوبة
والشعر غناها
رحلت وعاش قلمى
لمشاعرى يرعاها
من بعدها والحب
يا قلبي لعبتنا
ما احنا وعينا الدرس
وعرفنا سكتنا
هوانا عمره ماكان
رغبة لشهوتنا
وحبنا أخلاص
ودا سر قوتنا
عشرين حكاية حب
دى كل قصتنا
فى حب كان فرحة
وسر بسمتنا
وحب كان لعنة
كان سر دمعتنا
وحب معناه وطن
وحب غربتنا
وحب روح مع روح
بجماله متعتنا
عشنا يا قلبى الحب
راضين بقسمتنا
عمرك يا قلبى ماخنت
وجمعت بين حبيبين
ولا مره يوم تهنا
فى الحب بين طريقين
عشرين حكاية حب
بالظبط كانوا عشرين
لو قلنا أجمل حب
نحتار ما بين أتنين
فريال دى بنت حلال
حوا تسر العين
والتانية أستاذتى
وأبوها أسمه حسين
الأولى أتوفت
وسابتلى قلبى حزين
زى الملاك كانت
ما شفت ليها قرين
والتانية تشبه لها
زى الملاك الاتنين
يديها طولة العمر
وأشوفها يوم بالعين
MOHAMED LASHIN
١
تعليق واحد
أعجبني
تعليق
إرسال
في

ليست هناك تعليقات:

إرسال تعليق

الاشتراك في: تعليقات الرسالة (Atom)

(لا تزال عالقة) بقلم عواطف فاضل الطائي

(لا تزال عالقة) حلقة مفرغة من الخيارت تراوغها بيقينها ان القدر سينظم لهما لقاء وكأن الحياة قد توقفت في تلك اللحظة.. لا تعرف ماذا تفعل هل حقا...