خاف من صمت الخبيث
ما تعرف اللي بيدبره ليك
هو واخد على الغدر
مش ممكن يحافظ عليك
اوعى تفكر صمته إنكسار
بيحاول بس ينسيك
يبعد وهو مطاطي
بيخطط ازاي يئزيك
صمته أُدامك مش خوف
قلبه ملان نار تكويك
دايما الخبيث متكبر
ولا عمره في يوم يراضيك
هو ذكي بطبيعة الحال
بيشوف ازاي يقضي عليك
وتشوف دايم ابتساماته
نفسه يزول كل ما ليك
***
لو يتبسم يبقى خداع
الخبث ماليه حتى النخاع
لأقرب الناس تلاقيه بياع
ولا لحبيب أو صاحب ينصاع
طبعه أناني حقير وجبان
واما تشوفه تقوله دا شجاع
أوعى تآمن له بالمره
وتقول غير الطِباع
خدها نصيحه مني لله
راح تتألم ما الأوجاع
(((أسامه جديانه)))
ليست هناك تعليقات:
إرسال تعليق