جرا ايه يا عم الفرح
من مده وانت ناسيينا
ملناش نصيب يافرح
تيجى شويه نواحيينا
شبعنا ياما م الجرح
يكونش مكتوب علينا
نطلع من جرح لجرح
وتبكى دموع عينينا
ع ناس باعونا برخص
واحنا بالغالى اشتريينا
وحياة النبى يافرح
خلى عندك شوية دم
وعدى من نواحينا
تعالى وشيل أى جرح
عشان خلاص استويينا
ومشتاقين ليك يا فرح
والله يعوض علينا
باللى يرزقنا الفرح
وينسينا مرار بات فينا
فارس الكلمة
ليست هناك تعليقات:
إرسال تعليق