(الكراسي اطيح)

 (الكراسي اطيح)

عالكرسي اجلست ابصمغ لاتلزگ

ترى البسمار زنجر

بعد ماينفع

والجابوك معروف الصداء بيهم

وحرارة هالشعب كل لحظه وك ترفع

لاتندگ بعد بالشخص العراگي

ولاارض الوطن لوتدري وك تبلع

علي وأولاده عدنه

مايهمهم موت

وعلينه الباب خيبر

عدنه من يشلع

ولو عاودة جرب

صدگ انته اوشوف

ميفيدك اسلاحك اوينفعك مدفع

وعميلك انته جبته

وندري كلش زين

وكلت خيراتنه

تحب بينه تستطمع

وكل خاين تجيبه الچان الك جاسوس

وانته اوياه اشوفك

ابد ماتشبع

شما سويت اشوفك

لو تغير الراي

الك تفكير خاص الأسرع اباسرع

دولة اتاسسة غصبن

عليك اتكون

ولك الها سيادة وهي التشرع

ودستورك الجبته ومن تسن قانون

ومافكرت ابنيته العنده

يالتقلع

ولك قلعة اسود ومايهما الجاي

وعراقينه الشهم

اياشرلك اباصبع

نسيت احنه النشرع

الكلشي مابالكون

وقوانين العدكم

احنه من شرع

من أرض العراق اطلعت من عدنه

الزراعة والعمل والبيها كل تجمع

مسلة حمورابي وعدنه الاثار

ونبوخذ نصر وابكلشي تتمتع

نريد البلد يرجع

احلا من اول

ولاخليت عدنه

اوجيت التوسع

حلفكم بعد ماينفع

وشعب بركان

من ايطگ على الجيران يوصلك والك يقلع

وانته احاسب عندك واحنه انه احساب

ومن تدخل شعوب

وگمت التوزع

وافلسطين عندك چنھا منسيه

وتجعلها مذاخرأسلحة واصبحت التقطع

بعدها هي من الاول

والزمن موجود

النهايه وصلت ولابعد التنوع

وكراسيكم التوگع

صفت منتهيه

وتدري الناس طاحت والفقر جوع

ولاينفع حزب وشما تحالفتم ومافاد اليطيح وبعد من

يرفع

اچم عاشور عدنه

وبينه چم احسين

وانصاره النعدهم

والله مايشفع

لون طگت تحسها

وك بعد متفيد

ولاتلحگ وساطه ومنه اليسمع

چنھا اتريد منا واحنه

نصبر زين

والها لحظه صدگ

ايثور الملوع

ومامهتم اله وتستهزاء انته البيه

ابو الچفيه عندك

ذاك المقنع

عالكرسي اجلست وبصمغ لاتلزگ

ترى البسمار زنجر

بعد ماينغع

شعر عارف شلش

الساعدي

العراق بغداد

عرض الرؤى

معدل وصول المنشور: ٩

٢٢

٣ تعليقات

أعجبني

تعليق

إرسال