أنا بعشق سمار العين
وبيشغلني همساتها
والكحله عالرمشين
وسحر ابتسامتها
ولون الورد عالخدين
كما البستان في ضحكتها
وحسن جمالك الفتان
غاب القمر من طلتها
وقلبي سال منه الحنان
من حيائها وعفتها
أنا بيها عاشق ولهان
وتاه النبض من صوتها
بين الوريد والشريان
زاد فى القلب محبتها
ومن الشباك ضياها بان
ومرسوم في قلبي صورتها
بحبك يابنت الجيران
وباب بيتي قصاد بيتها
قابلت كتير أشكال والوان
ما صادفتش بنت بحلاوتها
ما انا العاشق انا الولهان
منايا اسكن فى دنيتها
ويا القمر ابات سهران
أملي العين بطلتها
ما أنا قلبي دايب دوبان
فى جمالها وخفتها
((( أسامه جديانه))))
ليست هناك تعليقات:
إرسال تعليق