تسالي
ياعني مالقتش الا انا
تتسلي بيا يازمن
سدت في وشك البيبان
مالقتش غير بابي انا
هربت منك كام سنه
علشان مادوق طعم الهنا
ومشيت لوحدي في سكتي
ونسيت عندي كام سنه
هو انت موش زمني انا
ولا انا مابقتش انا
تتسلي بيا. وانا ليه
معاك مواقف وحكايات
بالحلوه والمره رضيت
وعمري مايوم اشتكيت
لأن في الشكوي مزله
وبعد العمر دا وياك
جاي بتتسلي عليا
سدت في وشك البيبان
مالقتش غير بابي انا
آه يازمن غدار زمار
ترقص مع اللي ف ايده طبله
وتبكي اللي ماهوش طبال
ليست هناك تعليقات:
إرسال تعليق