مجلة نداء الرؤح لفرسان الكلمات

 يوميات صايع

( الحلقة التاسعة )

---------------------

هنا الشاب هيتغير ..

هنا بداية العشق

الكلمة دى اثرت فيا قوى

انت جربت تعرف واحدة نظيفة

انا لازم من اللحظة دى اتغير

اولا : هامسح كل ارقام صحابى

صحابى اللى كانوا سبب ضياعى

ورقم البنت الشقية لا لا اخليه شويه

احنا قلنا ايه لازم تتغير اوكى هامسحه

هاعمل لحبيبتى رنة امسى عليها

فتحت عليا قالت لى مجتش ليه مستنياك

قلت لها انا جاى

لحد متعملى الشاى

قالت لى انت هتدخل عليا بايد فاضيه

المرة اللى فاتت عديتها لك

هات لى معاك حاجة حلوة

اجيب لك ايه قالت لى حاجة على زوقك

رنيت الجرس فتحت لى بابتسامه زى القمر

قلت لها وحشتينى يا قمـر

قالت لى ادخل دخلت حسيت بالامل

قالت لى الوقت اللى جاى ده وقت العمل

قلت لها انا هاتغير يا قمر

قالت لى ده الموضوع اللى كنت هاكلمك فيه

انت معاك مؤهل عالى صح

قلت لها بكالوريوس تجارة ادارة اعمال

قالت والله انا محتاجة لك فى شركــتى

قلت لها هاشتغل ايه انا معنديش خبرة

قالت لى الخبرة تيجى بعد كده

بس اوعدنى انك تتغير قلت لها اوعدك

قالت لى احلف قلت لها وحياة حبنا

ابتســــمت لى وقالت اتفقنا

تعدى عليا فى الشركة بكرة

فى العنـوان ده متتاخرش

--------------------------

عباس صالح

عرض الرؤى

معدل وصول المنشور: ٢٢

١١

تعليق واحد

أعجبني

تعليق

إرسال