قصيدة بعنوان
(نورهان. ؟؟؟؟؟)
نورهان............
هي بنتي الكبيره.
ضي عيني لمابتطفي.
كلمة الحب في
حياتي بسمة العمر
في شقايا دمعة
محبوسة في عيني
قطعة الجنه
في سمايا.
هي ال ربي إستجاب لي
هداني إياها
و منايا.
دعيت قبل ماتيجي
جت لي في ساعة
رضايا.
نورهان.
هي بنتي الكبيره.
لما كانت صغيره.
زود لي ربي في
عطايا إداني
خير واسع كتير
لا له آخر
لا بدايه كان
من نهايه.
نورهان
ياجماعه قلبي إل جوا
إل بينبض
قصة حب كبيره
حروف وشعر
قصايد كلمات في
لغتي وحكايا.
ربي أسعدني بيها.
وعطاني
بالكوم هدايا
نورهان.
هي هي هي
ياجماعه نجمه بتلألأ
في ليلي في عمتي
في طريقي
بتنور دروبي.
وفجاجي ودهاليزي
زقق شوارع
حواري وخفايا.
نورهان.
طفلتي المدلله
الرهيبة
هي لي الأمل
في حياتي ضحكتها
أقسم بربي.
وما أعبد
تشرح القلب إل
طافي
لو شافها أخرس
هايحكي
يارب حصنها
من كل شر وإبعد
عنها أولاد الحرام
وأبناء البغايا
يا الله لما تبكي
دموعها لؤلؤ
على خدودها
تضحك تنسيك
نفسك لو كانت
همومك جبال
حتى لو كانت
قضايا....
نورهان.
قالت لي يابابا
أكتب لي قصيدة
بإسمي عجزت
كل حورفي وبكت
عيوني بدموع
ولما قلمي رآني
ببكي نزفت دموعه
لبكايا.
حبيبة القلب
وروحي تغزل الحب
في عبايا.
وردة العشق في
حدائق حلوه جميله
أنيقه ورقيقة
تشوف نورها
يشرق من بين
الصبايا.
أنا مش هاكدب عليكم
ليها عقل كيف
الصعيدي هادي
نار جهنم تكظم
في غيظها
ناعمة نعومة
الأفاعي تلدغ
في ساعة غضبها
قطة تخربش
تجرح كلمتها سيف
حاد قاطع
رصينة ليها عقل
يوزن بلد
عارفه دورها
مش محتاجه
لوصايا
بارده برود الفريزر
زكيه وبارضو غبيه
طفله مهما إن كانت
كبيره ناقصها
شوية درايا
نورهان.......)
8/7/2022
(ترنيمات وخواطر.بقلم.........)
(شاعر العاميه/خيرى حسنى)
ليست هناك تعليقات:
إرسال تعليق