& جرالها .. إيه & بقلم / عماااد الأبنودي

 & جرالها .. إيه &

بقلم / عماااد الأبنودي

****************

هيه الدنيا جرالها إيه

كله بيأكل ليه ف بعضه

و اللي شايل غله مخبيه

بيطلعه يا ناس من قلبه

بنبكي و نشكي من دنيتنا

و نقول ياما دي غدارة

مع الأسف العيب فينا

و بنزود في كأسنا مرارة

قالوا الأخ حضن أمان

لما حيطان الدنيا تميل

فجأة يقلب يبقى شيطان

و مفيش دلوقتي رد جميل

ولاد آدم بقوا أباليس

أفكارهم بتودي جهنم

و اللي يتحالف مع أبليس

و عامل فيها شاطر و معلم

بقينا دايرين جوه متاهات

مش عارفينلها أبداً نهااية

و الحكاية تجر حكايات

و يااااادوب مجرد بداية

كتبنا الفرقه تملي وسطينا

بنبعد عن بعض الخطاوي

و نروح نهجر أقرب مالينا

و ماعادش لينا عزيز و غالي

امتي نحس إننا بنضيع

و أعمارنا مش راجعه تاني

قطر يجري في السريع

و ياريت العمر يتعاد تاني

و نقول استوب للي فات

نرسم أحلي نهاية سعيدة

و اللي ضاع في الذكريات

نطويه ذكري تملي بعيدة

بقلم /عماااد الأبنودي

17 . 7 . 2022

عرض الرؤى

معدل وصول المنشور: ٣٣

٤Elmasry Alshaer، وعامر الدليمي وشخصان آخران

٣ تعليقات

أعجبني

تعليق

إرسال