خسارة محضرناش __________

 اهداء لأخي وابن العم المهندس محمد أحمد عبد المجيد بمناسبة بلوغه سن المعاش ...بعنوان

__////___////////__

خسارة محضرناش

__________

وف المعاش راح اقولك عاش

محمد بك عبد المجيد

وخسارة كبيرة محضرناش

كنت ف حفلك هاأبقى سعيد

لكن هاكتبلك كلمات

وأحط فيها النغمات

وأعبر عن انجاااااازات

منها ياااااااما هانستفيد

.........

عن تواضعك وعن الطيبة

عن خدماتك للجميع

ولاخَرجت منك العيبة

وديما تشتري مش بتبيع

والكل يعرف مقدارك

واضحة حتى فيك أسرارك

خدمت بقلبك وبإصرارك

لك ف الآخرة نبينا شفيع

..........

حبيت مصرنا.. اه من قلبك

واتمنيت ليها الخير

ومن هنا هاقول وأجاوبك

انت ابنها وبدون تفسير

مصر هاتدي للمخلصين

لرايتها على طول رافعين

ولحمايتها مش نايمين

ولحبها مافيش تغيير

...........

نتمنى الايام الجاية

تبقى سعيد وبصحة تمام

والكلمة ها تبقى عفية

ياريس ..لك مني سلام

ونشوف فيك احلى شباب

فاتح لحبايبك الأبواب

تتجمع حواليك الاصحاب

ومن الفرحة مش بتنام

*******

الشاعر /رمضان عبدالله أحمد

عرض الرؤى

معدل وصول المنشور: ٢٥

٣٣

٤ تعليقات

أعجبني

تعليق

إرسال