الحكاية...( ٢ )
بالعامية
_____________
أستاذة للعربى
بتحب تقرا الشعر
لما قرت شعره
عجبها فيه كام سطر
بدأت تشجع فيه
وعجبها أسلوبه
وهو كان عاشق
والعشق مكتوبه
عامل نظافة وقلم
على قده أهو بيكتب
لكن سطوره صدق
معرفش يوم يكدب
وقع أتفاق بينهم
يتقاسمو كتاباته
هى تقول عنوان
يحكيه بكلماته
قالتله يوم أرحلى
منى إليك عنوان
كلمنى فى سطوره
عن معنى للنسيان
وبقلمه كتب أرحلى
مع أنه عنوان صعب
أزاى تكون أرحلى
معنى جديد للقرب ؟
فى سطوره صدق الحب
حرك مشاعرها
نطقت بلغة الصمت
حياءها أجبرها
الحكاية ما أنتهتش
لو يطول العمر بيا
راح نكمل البقية
MOHAMED LASHIN
الحكاية ( ١ ) ......
بالعامية
________________
قلبه فى غرامه عنيد
ما يحب بسهولة
حوا فى حياته الأم
بيحبها طفولة
عمره ما باع ولا خان
وأهو حب......!؟
عامل نظافة بسيط
وحب أستاذة
متقولش كيف وأزاى ؟
ولا أمتى ولماذا ؟
ماهو أصل حب الشعر
شئ مشترك بينهم
أتقابلوا مرة فى سطر
والحرف جمعهم
وبدأ الحديث بينهم
بالروح بيتقابلوا
والصدق عنوانهم
و كتير بيتشابهوا
فى كل شئ بينهم
مكنش يحلم يوم
من قلبها يقرب
وحبه كان مداريه
وقلبه متغرب
فى حبه كان راضى
يعيش هواه محروم
وعليها بينادى
يمكن تحس فى يوم
كان كل يوم ورا يوم
فى حبها بيغرق
عايش معاها الحلم
وفى حلمه متشعلق
يكتب سطوره غرام
وليها بيلمح
يخلط قواعد النحو
وهى بتصحح
كانت تحن عليه
لظروفه بتراعى
ومنه بتقرب
وعقلها واعى
هى دى كانت البداية
فى بقية فى الحكاية
MOHAMED LASHIN
ليست هناك تعليقات:
إرسال تعليق