اهين وأه -----------

 اهين وأه

-----------

اهين واه

ياكلمتى التايهه

ف ايام عمري المنسيه

رامحه ف سكه وحله

مسجونه مع الايام

لقيتك..حروف ناقصه

خايفه تخطى

خطوتين قدام

شايفك

قاعده مستنيه

ف حضن السكه مرميه

خايفه تفرشى الضله

يامنزوعه من معانيه

ومدفونه في صدور الناس

حتموتى بلا ديه

كونى صرخه مدويه

تسكن ف كل ودان

زرعتك ياكلمتى

مابين ضلوعي

شاربه من دم عروقي

مرويه بدمع عنيه

لجل تكونى

مسموعه فى كل ادان

تكونى محكيه

بكل لسان

منقوشه علي البيبان

موشومه على الحيطان

تكونى لقمه

وهدمه

وضمير

في قلوب الناس

تكونى حتى .كفن

يغطينى من قدمى

لشعر.الراس

الناقد

حمدي البوقي

عرض الرؤى

معدل وصول المنشور: ٩

١١

تعليقان

أعجبني

تعليق

إرسال