.... عندك حكايتي ...
يهل الليل وألقاكي دايما هنا جنبي
ألقاني جاي ليكي قلبي غصب عني
تمدي إيدك أجري علي نور حضنك
تضميني وتقولي علي قلبك طمنني
وأنسي كل اللي كان من يومي فيه
وأرجع طفل ضحكتك بس ف عينيه
تتبسمي يحلف إن الزمن ملك بس ليه
وبهمسة حب تقول تعالي هنا قرب مني
زمن الحب والبسمة والدنيا المبتسمة
والرضا بالقسمة والضحكة م الهمسة
والنظره والغمزه إنت بقيت القسمة
أوعي تقول بكرة خلي النهاردة زمني
وينده ليل حب هتبقي أنت حكايتي
وتنزل نجمة م السما مكانك هنا عندي
تشوفك تبعد صعب أملكك والقمر ضدي
وكل ما فيكي ف عينيكي زمنه يطمنني
بأهواكي رغم البعد وسنين الحلم والتوهه
ياعشق كان وصعب تاخدني منه ولو توبه
دي قسمة زمن كان وقسمته عليا مكتوبة
وف كل بعد خيالك يهل عليا ويقرب مني
أنا العاشق وحكايتي ما تعرف غيرك
لو يوم تهت في الدنيا يناديني نورك
لو قلب تاني خدني ألقي فيه حضورك
فيكي شئ بياخدني ليكي غصب عني
ألف حب عشته وانتي بس إللي وخداني
سهل ف صورتك ألقي بعدي عنها ونسياني
ولو طال الزمن بعمري عندك دوا لأحزاني
وكل ليل يهل ألقاني سهران ليكي مستني
... أيمن بلال .....
ليست هناك تعليقات:
إرسال تعليق