...... والإله هو الرقيب ........

 ...... والإله هو الرقيب ........

لما تبقى حد صالح

كله بيفكرها عيب

واما تتلاقى المصالح

الشيطان بيكون حبيب

تلقى حد مربي دقنه

وكل فعله شيطان بزهنه

ف الخطابه ب 100 خطيب

كل عيشه من الحرام

والحلال مفيش جرام

اما كل الخلق ساكته

خايفه حتى تقوله عيب

واللى عامله امام وطاهره

عاشقه حب بالمصاهره

والشيطان ساكن ضلوعها

وسخت بالعلم غيب

والنميمه معلماها

اللى صايع والاديب

كل ده والخلق صامته

بالجاهله

العدو يكون حبيب

والحبيب ناسينه ناسه

لما اصبح شيء غريب

فىه كمان الصمت ظاهر

وفيه خلايق بحب طاهر

واللى ظاهر بالزمن دا

كتر فتوى وكتر غيب

والمرايا كاشفه حالك

كله هالك

والنميمه مش زبيب

كله يشكى الدنيا والعه

وكل جاحد له ربيب

فى زمنا كله هابط

والمحارم فينا صابت

وكل قلب وله حبيب

والاله موجود وناظر

هو شايف المناظر

والعقاب هيكون شديد

ع اللى خرب يوم ضميرنا

واللى قادر مش يجيرنا

واللى يشهد زور ويقبض

اصله عامل واد لبيب

كله ناسي يوم مماته

كله ناسي اللى فاته

بس يوم دخوله قبره

راح هيعرف

راح هيبعد الحبيب

والاله هو الرقيب

........ احمد عامر ............

ننوه ان ماينشر حق مسجل بالهيئات المنوطه بذلك 2598/2019 س م ب

٥Ahmed Amer و٤ أشخاص آخرين

٧ تعليقات

٢١ مشاركة

أعجبني

تعليق

مشاركة