.... كداب ....

 .... كداب ....

روقي صعب أكون لحد تاني

دول كلمتين من حبة أغاني

قلتهم مجاملة ونسيتهم قوام

لكن حبيبتي إنتي حبي الاولاني

بلاش غيرة وحيرة ف أمري

د أنتي حبيبتي ومعاكي عمري

عيني زايغة يمكن بس دوغري

ساعة ماتهلي مبشوفش حد تاني

نظرة هنا وكلمة هنا متدققيش

كله كلام وساعة الجد متلاقيش

غيرك حبيبتي معاكي قلبي يعيش

إعجاب يادوب بيروح بعد ثواني

شوفتي معايا واحدة دي مين

يخلق م الشبه ياحبيبتي أربعين

حد غيري معاها من غير يمين

هتكدبيني وأنا بأقولك ده حد تاني

عارفاني مليش ف الدنيا إلا حبك

وطول زماني معرفتش إلا قلبك

لا حد عرفته قبلك ولا حتي بعدك

د أنتي الحياه وانتي كل زماني

تقي نقي طول عمري معروفة عني

لا عرفت واحدة ولا غيرك قرب مني

ده أنتي حبيبتي وهواكي ده مجنني

عندك حياتي وقلبك بس هو مكاني

..... أيمن بلال .....

عرض الرؤى

معدل وصول المنشور: ١٠

١فهدالصحراء الجرئ

تعليقان

أعجبني

تعليق

إرسال