****((( النَكَد مِنِك )))****

 ****((( النَكَد مِنِك )))****

لو تِرحَميني النَكَد مِنِك

كُل يوم مِنِك سُم تِسقيني

ما بدي عِشق ولا عَطف قَلبك

يا ريت لو قَلبِك يِجافيني

صَعبة كثير والصعب عَقلِك

الرَحمه منك لو تِتِركيني

كثير متأسِف على حُبِك

يمكن أنا غلِطت وأعُذريني

قَلبي وَجعني يوم ما عرفتِك

وراسي تفَجَر مع شَراييني

خافي من الله إتَقي رَبِك

ما بدي منك بَسمة تعطيني

من سنين حُب كثير أعطيتِك

بكاس مُر اليوم تِرويني

مسامحك إمشي على دربِك

ما بدي شوفِك ولا تشوفيني

قالوا الجَنة تحت أقدامِك

حَسيت نارِك عَمَ تِكويني

بدي أهاجر ظَلِك بقَصرِك

قصرك ما بدي كوخ بِكفيني

ما بدي غَمزة من طَرَف عَينِك

ترياق بدي حتى يشفيني

شَعرِك بيتمايَل على كِتفِك

غَمَضت عيني النار تِصليني

تسَهَلي وتمايًلي بخَصرِك

ما عاد مِنِك شيء يِغريني

..بقلمي..ياسين مصطفى بكري...

عرض الرؤى

معدل وصول المنشور: ٥٣

١١

تعليقان

أعجبني

تعليق

إرسال