حقايقي مابتعجبش -------------------

 حقايقي مابتعجبش

-------------------

اه لما تعد سنين الهم

لما تسمع دقات قلب..

وجعه الصمت

لما لسانك يتحرك ع الفاضي

شايل تقل الحلم هموم

اهين لما تخاف الضي

وتخاف الناس...!

وتخاف الارض..!

ادخل فيا

فتش بين ابيات الشعر

جايز تعرف سر الحزن الدايب...

ف الحبر اللى انا بكتب بيه

واما يقابلك بيت م الشعر

كنت كتبته زمان

اوهم نفسك انك لخبطت العد

واحد .... اتنين

بس المره دى......

وانا بضحك...!

لانى اول واحد

قلت حقيقه...

وانا عارف ان حقايقي

مابتعجبش....

حمدى البوقي

عرض الرؤى

معدل وصول المنشور: ١٦

١مكي بوشمع الجزائري

تعليقان

أعجبني

تعليق

إرسال