لسه برضو جوايا

 لسه برضو جوايا

جوايا حزن يكفي السنين

جوايا بكي ودموع تملي النيل

جوايا التنهيده في صدري

نفسي تروح من غير ماادري

فاتت كل هذه السنين

ولسه برضو جوايا الحزن والانين

صعب الاحساس بالوحده

وبالذات لما ييجي الليل

كنت حاسس بالدفا زمان

بستمده من قلوبهم طول الايام

دلوقتي مش بحس بالدفا

ولو عليا ميت غطا

راح وسابني لوحدتي

سابني اعيش مع غربتي

سابني وانا محتاجه ليه

يا دنيا بتعملي فيا كدا ليه

طول عمرك ماشيه معايا يا دنيا بالمقلوب

انا عارفه انه مقدر عليا ومكتوب

وحشتني يا نور عيني وحبيب القلب

وحشتني ياللي كنت ليا الام والاب

لسه برضو جوايا الحزن والانين

مش هيروح مهما عدت السنين

كل ما اجري علي الفرح

يهرب مني ويسيبني

مش عايش معايا غير الجرح

هو الوحيد اللي ملازمني

نفسي انام زي زمان

نفسي احس بالامان

مش هيرجع تاني الزمان

مهما حصل ومهما كان

ليه يا دنيا أسيه كدا

تقسي علي الانسان في أخر الزمان

قرب انتهاء الاجل

في عز ما يكون محتاج لاي انسان

يقف جنبه ويراعيه

ويبقي العكاز اللي يتسند عليه

وهيفضل الحزن جوايا

لانك يا حبيبي مش معايا

كلمات يلدز البربري

عرض الرؤى

معدل وصول المنشور: ٥١

١١

٥ تعليقات

أعجبني

تعليق

إرسال