………. وانتى اختى ………..

 ………. وانتى اختى ………..

ياللى دمك هو دمى

ياللى حاسك إنك اُمى

ياللى كل الدنيا تحلى

لما تيجى أو تهلى

دانتى روحى وإنتى قلبى

وإنتى ضلى

واما أقول الأه بلاقى

كنت سندى رغم سنى

وإنتى أختى

إللى قلبى لما أشوفها

يسعده وجودك تملى

أه ياقلب اخوكى دايما

تمدحينى

حتى لو غلطت مره

بتشكرينى

واما يوم أتعرى وابكى

بتسترينى

أحلى شىء بالكون دا انتى

وإنتى شمسى وإنتى ضلى

وإنتى نور الكون بحاله

وإنتى أجمل حضن باخده

حتى لو نايمه وتئِـنّى

وكأنى

كنت تايه جيت بحضنك

خدتى كل الحزن منى

جيتى زارعه فىّ بسمه

ليها راسمه

بقيتى جنه لحُسن ظنى

ما انتى اُختى

بس قولى ياحبيبه

أعمل ايه فيها الجمايل

لو ماكنتى فى حياتى

هعمل ايه والحمل مايل

طب قوليلى

أعمل ايه ف قلبك إنتى

لما مرى زاد وشايل

يا أحن من الحنان

والكلام مالوش مكان

لما كنتى بتحضنينى

وانا دمى عليكى سايل

بدعى ربى يجازيكى

ع العمايل

ياللى دمك هو دمى

ياللى حاسك إنك امى

وانتى اُختى

………… احمد عامر …………..

ننوه ان ماينشر حق مسجل بالهيئات المنوطه بذلك 11104/2019 س م ب

١٠Ahmed Amer و٩ أشخاص آخرين

١٦ تعليقًا

٣٧ مشاركة

أعجبني

تعليق

مشاركة