رسالة عتاب ... من سرير جدتى ..

 ونرجع للشعر من تانى ..

فزورة عن أشياءنا الجميلة والتى نبيعها بأبخس الأسعار للروبابيكيا ..

رسالة عتاب ... من سرير جدتى ..

........

أنا كنت طاووس بين الطواويس ..

كان يحلم بيا أى عريس ..

رجليا نحاس ...أربع عواميد ..

تحت الناموسية الفرحة تزيد ..

ياما إتحملت وكنت سعيد ..

ويوم دُخلتكم كان يوم عيد ..

دانا كنت الحلم لليلى وقيس ..

وعشت طاووس بين الطواويس ..

.......

مملوكى الأصل دخلت قصور ..

وسافرت بلاد وسكنت فى دور ..

أسراركم كلها ويايا . .

دانا شوفت ولادكم والداية ..

وخدمت ياناس ولا قصرتش ..

ميت سنة وتقولوا معمرتش ..

تبعونى إزاى للروبابيكيا ..

والله حرام ترمونى فطيس ..

دانا كنت طاووس بين الطواويس ..

........

وشريتوا جديد من غير عواميد ..

وسوست هزاز وكمان بيقيد ..

الراحة ياصاحبى كانت عندى ..

بتحط دماغك ولا تدرى ..

دانا هُنت عليكم وماهونتوش ..

روبابيكيا سلام ومااعطلكوش ..

وصورتى أمانة تشيرها ..

على كل مواقع جوة الفيس ..

دانا كنت طاووس بين الطواويس ..

.......

راجح .....

..

١١١١

٨ تعليقات

٣٤ مشاركة

أعجبني

مشاركة