( وغريب يآ طبع البشر )

 ( وغريب يآ طبع البشر )

وغريب يا طبع البشر

وعجيب زي الزمان

وحوالينا كتير من بشر مالهومش ياعيني أمان

وغريب يازمان غريب

لما الحبيب مايبقاش حبيب

ويخون عيشرة أصحابه والعيش والملح مالوش مكان

زمن وفيه البشر

غدار ومالوش امان

قلوب تحب وتوعد

وتبيع حبايبها وتبعد

وتغدر من غير اسباب

وقلوب ع الوفا تتعاهد يمشوا سوا المشوار

وف نص الطريق ياعيني لغيرهم كان الإختيار

بشر وحالهم عجب

وقلوب مكانها حجر

والصبر ظلموا العَجَلّْ

بشر وزي الزمن

يختار لنفسه التعب

ويعيش حياته في ندم

الفرحه تبقي قدام عنيه

وحبيب شاريه وهيهنيه

والعين مش شيفاه

ويروح لناس بيعاه

ويعاني المرار والويل

والتاني ياعيني عليه

سهران طول الليل

ندمان ع اللي فيه

وآه لو القلوب تختار

وماتسيء الإختيار

هنعيش في الدنيا حبايب

وما يوم أبداً نحتار

ياريت الحب ينتصر

وفي كل مكان ينتشر

ونعيش اصحاب وقرايب ونكون كلنا احباب

ونسهر ويا النجوم

والحب في قلوبنا يدوم

ونقول للزمن جَمَعّْنا

وتاني ماتفرقنا

وفي حلم جميل عيِّشنا

ومنه ماتفوقنا

وطول ما إحنا حبايب

هنعيش في راحة بال

خواطر (اشرف الدغيدي)

حقوق النشر محفوظة

عرض الرؤى

معدل وصول المنشور: ٣٩

٣Mansour Benmansour، Ashraf Eldghedy وشخص آخر

٥ تعليقات

أعجبني

تعليق

إرسال